Amanat
Penting !!!. For Tuama: jadilah seperti ubi kayu pd saat
ditanam, disitulah dia berbuah. Jangan seperti ubi maraya dimana dia maraya
akang, disituleh dia berbuah...For Wewene: jadilah seperti daun pisang, dari
muda sampe tua tetap berguna. Jangan seperti daun sosoroka, dari muda sampe tua
gatal trus..... Pesan ini disampaikan atas kerjasama dgn dinas perkebunan dan
pertanian...:D =-? __╋╋ӑ
Sapa
Lebe Pasung. Keke deng Mince tiap hari ja baku ambe,sapa
kata tu lebe pasung dorang dua. Keke# "noh tanya jo pa Utu kalo sapa tu
lebe pasung torang dua..". Mince# "ah,jgn pa Utu. Ruci ngana. Tau
jo,Utu da tagila2 pa ngana...". Kage2 Alo ta sopu...Keke bataria,
"ha,Alo jo tu tanya akang. Dia to soada maitu,jadi jujur dia". Mince
stuju. Alo p sampe dorang dua langsung todong...
Keke# "Dudu dulu ngana alo. Lia bae2 pa torang dua
kong jawab deng jujur...sapa tu lebe pasung,kita ato Mince?". Alo haga bae2
pa dorang dua kong angka suara..."Sebenarnya ngoni dua sama2 pasung
kasiang,cuma katu Keke noh lebe pasung sadiki...". Keke sanang skali,Mince
muka asang...
"Maaarrr..." Alo se tagantong.."Mar apa
alo?" Keke deng Mince tadiang sadiki bingo. "Mar kalo Mince lebe
pasung banya..." Alo setrus depe kata2 kong capat2 tumingkas lia Keke ambe
tu asbak deng vas bunga...
Alo Nae
Becak. Batanya dia pa tu tukang becak. Alo: bang,kedepan
kompleks brapa?. T.Becak: goceng
pak.. Alo bingo brapa tu goceng...Alo:kalo
goceng itu brapa bang?. T.Becak:
goceng itu 5000 pak.. Oooo...Alo so
mangarti,kong dia tawar..Alo: bang,GOHU aja ya?. Tukang Becak yg bale bingo,
Eh,GOHU itu brapa?. Alo: kalo
GOHU itu 4000 bang,paling mahal 4500....
Sumber : https://www.facebook.com/I.LOVE.SULAWESI.UTARA
